कपनमा एमाले हाइकमाण्ड नेता आउने क्रम तीब्र, आज माधब कुमार नेपाल आए

कपन अनलाइनकपनमा नेकपा एमालेका हाइकमाण्डका नेता आउने प्रकृयाले निरन्तरता पाउने क्रममा आज बिहानै वरिष्ठ नेता माधवकुमार नेपाल आएका छन् । नेकपा एमाले समर्थित उपत्यका पेशागत बुद्धिजिविअन्तर्गत विशेष जिल्ला कमिटिले कपनमा आयोजना गरेको परिचयात्मक कार्यक्रममा भाग लिन नेता नेपाल कपन आएका हुन् । पछिल्ला केही समयदेखि कपनमा एमाले नेताहरुले नियमित रुपमा बिभिन्न कार्यक्रम गर्दै सहभागि भैरहेका छन् ।
काठमाडौं जिल्ला क्षेत्र नं. ४ का कार्यकर्ता भेला तथा परिचयात्मक भनिएको कार्यक्रम पार्टी परिचालन अभियान सन्दर्भमा आयोजना गरिएको थियो । कार्यक्रममा सहभागि हुँदै नेता नेपालले एकिकृत माओवादीमाथि तीब्र कटाक्ष गरे । कार्यक्रममा बोल्दै उनले  भूमिगत कालका राष्ट्रियता र स्वाधिनताका कुरा एमाओवादीले भारतमा लगेर बुझाएको बताए । एमाओवादीले राष्ट्रियतामात्र नभई लोकतन्त्रलाई धरापमा पुर्याउने आरोप लगाउँदै कपनमा उपस्थित कार्यकर्ताहरुसँग निर्वाचनका लागि तयारी गर्न आग्रह गरे ।
कार्यक्रममा केन्द्रिय सदस्य योगेश भट्टराई, कुशुम कार्कीलगायतका नेताहरुले पनि सम्बोधन गरेको थिए ।