नेपाल खेलकुद महासंघ बुढानिलकण्ठ नगर कमिटीको शुभकामना आदान प्रदान कार्यक्रम सम्पन्न

कपन अनलाइन 

काठमाडौ,कार्तिक १ ।

नेपाल खेलकुद महासंघ बुढानिलकण्ठ नगर कमिटीले शुभ दिपावली ,नेपाल संवत र छठ पर्वको अवसरमा शुभ कामना आदान प्रदान तथा चियापान कार्यक्रमको आयोजना गरेको छ ।

नेकपा एमालेका केन्द्रिय सदस्य एवम काठमाडौं क्षेत्र नं ४ प्रतिनिधि सभा क्षेत्रका लागि सर्वसम्मत उम्मेदवार डा. राजन भट्टराईको प्रमुख आतिथ्यतामा भएको सो कार्यक्रममा नेकपा एमाले प्रदेस नं ३ कमिटि सदस्य सुन्दर पुर्कुटी , केन्द्रिय विभाग सदस्य कुमार ओझा , केन्द्रिय सम्पर्क समन्वय कमिटि सदस्य केदारराज पुडासैनी , प्रदेस क्षेत्र नं २ का संयोजक विदुर विक्रम खड्का ,सह संयोजक मिठाराम अधिकारी ,क्षेत्र नं ४ का पुर्व अध्यक्ष कुसुम कुमार कार्की ,उपाध्यक्ष लक्ष्मी संग्रौला ,नेकपा माओवादी केन्द्रका राज कुमार कार्की , जिल्ला खेलकुद विकास समिति काठमाडौंका अध्यक्ष धुर्वराज न्यौपाने ,नेपाल खेलकुद महासंघ काठमाडौंका अध्यक्ष  केसव श्रेष्ठ ,बुनपा वडा नं १० का अध्यक्ष नवराज भट्टराई ,वडा नं ९ का अध्यक्ष राजेन्द्र सापकोटा ,वडा नं १२ का अध्यक्ष शम्भु प्रसाद भट्टराई लगायतको उपस्थिति रहेको थियो ।

सोहि कार्यक्रममा विभिन्न संघ संस्थामा आवद्ध रहेका युवाहरुलाई एमालेमा प्रवेस समेत गराइएको थियो।

कार्यक्रममा बोल्दै प्रमुख अतिथि भट्टराईले युवा र खेलकुदको सम्वन्ध गहिरो रहेको र खेलकुदको माध्यम वाट नै रास्ट्रको पहिचान बढ्ने बताएका थिए । उनले कार्यक्रममा आफ्नो तर्फ बाट  यस क्षेत्रको खेलकुदको विकासमा सहयोग हुने प्रतिवादत्ता पनि व्यक्त गरेका थिए ।

कार्यक्रमको अध्यक्षता गर्दै नेपाल खेलकुद महासंघ बुढानिलकण्ठ नगर कमिटीका अध्यक्ष प्रज्वल थापाले बुढानिलकण्ठ नगरपालिकामा खेलकुदका पूर्वाधार विकासमा जोड दिनु पर्ने र खेलाडीहरुको लागि खेलाडी पुनर्स्थापना केन्द्र स्थापना हुनु   पर्ने बताएका थिए।

नेपाल खेलकुद महासंघ बुढानिलकण्ठ नगर कमिटीका उपाध्यक्ष दिपेश मगरले स्वागत मन्तव्य गरेको कार्यक्रमको संचालन राम शरण सापकोटाले गरेका थिए।