कार दुर्घटनामा परिन नायिका रेखा थापा

कपन अनलाइन

काठमाण्डौ, असोज २५ ।

चलचित्र ‘रुद्रप्रिया’ रिलिजको प्रचारमा व्यस्त रहेकी नायिका तथा निर्मात्री रेखा थापाको कार दुर्घटना भएको छ । रेखा  थापा भने शकुसल  रहेकी छिन् ।

टिभी फिल्मीलाई अन्तर्वार्ता दिएर अम्बे अपार्टमेन्ट फर्कंदै गर्दा रेखाको कारलाई चावाहिलमा मालबाहक ट्रकले धक्का दिँदा कारको धेरै भागमा क्षति  पुगेको छ । माल बाहक ट्रकले ठक्कर दिँदा कारमा धेरै क्षति पुगे पनि आफू बाँच्न सफल भएको रेखाले बताएकी छिन् । रेखा आफैँले कार चलाएकी थिइन् । दुवै सवारी साधन हाल आवश्यक कारवाहीको लागि महानगरीय प्रहरी बृत्त गौशालामा राखिएको  छ ।