एसियन मुवाथाई च्याम्पियनसिपमा सहभागी हुन नेपाली टोली तुर्किमिनिस्थान जाने

कपन अनलाइन

काठमाडौ,भाद्र ३०/बद्री भट्टराई

आगामी असोज दुई गते देखी १६ गते सम्म तुर्किमिनिस्थानमा हुने पाँचौ एसियन इन्डोर मुवाथाई च्याम्पियनसिपमा सहभागी हुन नेपाल मुवाथाई संघका अध्यक्ष भिमसिंह गूरुङ्ग सहितको टोली शनिबार तुर्किमिनिस्थान जाने तय भएको छ ।

नवराज गूरुङ्गले नेपालको प्रतिनिधित्व गर्दै ६५ के.जी तर्फ मुवाथाई बक्सिङ्ग तर्फ प्रतिस्पर्धा गर्ने अध्यक्ष गूरुङ्गले बताएका छन । प्रतियोगीताका विभिन्न विधामा कुल २७ जनाले प्रतिस्पर्धा गर्ने छन । मुवथाईको तर्फबाट भने अध्यक्ष गूरुङ्ग अफिसियलको समेत भुमिकामा रहने छन ।

उक्त प्रतियोगीताको दौरान अध्यक्ष गूरुङ्गले एसियन मुवाथाईका प्रतिनिधी संग नेपालको खेल प्रशिक्षण तथा स्तरबृद्धिका लागि महत्वपूर्ण छलफल र भेटघाट हुने बताइएको छ ।

तुर्किमिनिस्थान जाने टोलीलाई राखेप सदस्य सचिव, केशव कुमार विष्ट, उपाध्यक्ष लामा टेण्डी शेर्पा लगायत पदाधिकारीहरुले विदाई गरेका छन । नेपाली टोली शनिवार प्रस्थान गर्ने भएका छन ।