एसीक्यानले सी अण्डर १९ एलिट कप क्रिकेटका लागी १४ सदस्यीय नेपाली

काठमाडौं ११,वैशाख । नेपाल क्रिकेट सघं एसीक्यानले सी अण्डर १९ एलिट कप क्रिकेटका लागी १४ सदस्यीय नेपाली टोलीको घोषणा गरेको छ । आगामी १८ गतेदेखि मलेशियामा सुरु हुने प्रतियोगिताका लागि क्यानले आज खेलाडी छनौट गरेको हो । भुवन कार्कीको कप्तानीमा छनौट गरीएको नेपाली टोलीको उपकप्तानी अविनाश कर्णले सम्हाल्ने छन् ।
क्यानले छनौट गरेको टोलीमा रामनरेश गिरी, अमित श्रेष्ठ, यज्ञमान कुमाल, राहुल प्रताप सिहं, निश्चल पाण्डे, इर्शाद अहमद, पवन श्रेष्ठ, विभत्सु थापा परेका छन् । त्यसैगरि टोलीमा निर्मल थापा, सुशान्त भारी, प्रेम तामाङ र हरिशंकर शाह पनि छानिएका छन् । अमित दाहाल, सुरजकुमार कुर्मी, अभिशेक झा र शरद खड्कालाई बैकल्पीक खेलाडीमा राखिएको क्यानले जनाएको छ ।