युवा संघ कपनले अधिवेशन गर्ने

नेकपा एमालेको भ्रातृ संगठन युवा संघ नेपाल कपन गाउँ कमिटिको विभिन्न कारणले सार्दै आएको छैटौं अधिवेशन माघ २७ गते गर्ने जनाएको छ । यो अधिवेशन ह्याण्डबल चौर, आकाशेधारामा हुने बताइएको छ । यो अधिवेशनको उद्घाटन सत्रमा नेकपा एमाले कपन गाउँ कमिटी तथा युवा संघ नेपाल कपन गाउँ कमिटीबीच मैत्रीपूर्ण फुटबल प्रतियोगिता आयोजना गरिएको संघका अध्यक्ष रामशरण सापकोटाले जनाएका छन् ।

युवा संघ कपनलाई कपन एमालेको जुझारु संगठनको रुपमा लिने गरिएको छ । यस संघबाट खारिएका युवाहरुले कपन एमाले हाँक्दै आएको पृष्ठभुमीले यो अधिवेशनलाई अर्थपूर्णरुपमा लिएको स्थानीय राजनितिक विश्लेषकहरु बताउछन् ।