पोखरीमा डुबेर मृत्यु

कपन अनलाइन 

उर्लाबारी (मोरङ), ८ जेठ । पोखरीमा डुबेर आज मोरङको उर्लाबारीमा एक व्यक्तिको मृत्यु भएको छ ।

मृत्यु हुनेमा झापा धरमपुरका ४० वर्षीय रामबहादुर विश्वकर्मा रहेका छन् । उर्लाबारी–९ स्थित पोखरीमा विहान नुहाउन छिरेका विश्वकर्मालाई दिउँसो मृत अवस्थामा फेला पारेको इलाका प्रहरी कार्यालय उर्लाबारीका प्रहरी निरीक्षक चन्द्रबहादुर थापाले जानकारी दिनुभयो । विश्वकर्मा उर्लाबारीमा बसेर मजदुरी गर्दै आएका थिए । रासस