सर्वेक्षण: चुनाव आउन एक महिना अघि बुनपामा पार्टीहरूको स्थिति कस्तो छ ?

३१ चैत्र २०७३, बिहीबार

कपन अनलाइन, काठमाडौँ । स्थानीय निकाय चुनाव आउन ठीक १ महिना बाँकी छ । १ महिना बाँकी रहेको बाँकी रहेको अवस्थमा बुनपामा चुनावी गतिबिधिहरु विस्तारै गति लिन थालेका छन् । यद्यपि अहिलेका गतिबिधि प्रचार केन्द्रित भन्दा उम्मेदवारीमा दावी र टिकट केन्द्रितमा नै सिमित छ । पार्टीहरु प्रचारप्रसारका लागि सोच्नु पर्ने न्यूनतम आधारभूत विषयमासमेत ध्यान दिन सकेको पाइएको छैन।

ठूला पार्टीहरु नेपाली कांग्रेस र एमालेभित्र आधा दर्जनभन्दा धेरै स्थानीय नेताहरुले मेयर तथा उपमेयरमा दावी गरेका छन् । यी ती नेताहरु हुन् जो यस बुनपामा आफ्ना पार्टीबाट अग्रपंक्तिमा नाम आउने गर्दछ । अग्रपंक्तिका नेताहरु नै टिकटका लागि शक्तिकेन्द्रतिर धाउन थालेकाले अझै चुनावी माहौल भने स्थानीय चिया पसल, फेशबुकलगायत सामाजिक संजाल तथा केही अनलाइन पत्रिका मार्फत लेखिएको समाचारमै सिमित छ ।

बुनपामा मुलतः तीन पार्टी चुनावी मैदानमा छन् नेपाली कांग्रेस, नेकपा एमाले र माओवादी केन्द्र । राप्रपाले आफू छु भन्ने आभाष दिन खोजेजस्तो गरे पनि त्यो खासै प्रभावकारी हुने देखिदैन । मेयर, उपमेयर तथा वडामा पनि यिनै ३ वा ४ पार्टीबीच प्रतिष्पर्धा हुनेछ । वडामा दिने उम्मेदवारीले मेयर र उपमेयरले पाउने मतसँग अर्थ राख्ने हुनाले वडामा कसलाई टिकट दिने बारे पार्टीहरुमा व्यापक खिचातानी भैरहेको छ । स्थानीय निकायमा लामो समयदेखिको रिक्तताले आकांक्षीहरु ह्वात्तै बढेकाले टिकट दिन पार्टीहरुलाई सजिलो देखिदैन । टिकट नपाउनेले असहयोग गर्ला भन्ने डरले पार्टीहरु त्रशित देखिएका छन् ।

यसै क्रममा कपन अनलाइनले ३ दिन लगाएर बुनपाका १३ वटै वडामा मत सर्वेक्षण गरेको छ । १३ वटा वडाका ३०० जनामा गरिएको सामान्य कुराकानीमा आधारित भएर यो सर्वेक्षण बनाइएको हो । सर्वेक्षण विशेष गरेर वडामा कुन पार्टी बलियो छ ? नगरप्रमुखमा कुन पार्टीबाट को उठे मत आउँछ ? र कुन पार्टीबाट को उम्मेदवार उठे जित्लान ? भन्ने कुरामा केन्द्रित थियो ।

नेपाली कांग्रेसबाट मेयर पदमा उठ्न पर्ने को हो ?
सर्वेक्षण मेयर पदका लागि नेपाली कांग्रेसबाट क्षेत्र नं. ४ का सभापति राजु श्रेष्ठ उठ्नु पर्छ भन्नेमा करिब ७५ प्रतिशतले राय प्रस्तुत गरे । त्यसपछि क्रमश न्हुच्छेनारायण श्रेष्ठ ८ प्रतिशत, राजाराम बुढाथोकी ७ प्रतिशत तथा आत्माराम पौडेलको नाम ५ प्रतिशतले लिए । गोकर्ण केसीको नाम ५ प्रतिशतले लिए ।

एमालेबाट मेयर पदका लागि को उम्मेदवार ठीक होला ?
त्यसैगरी एमालेमा मेयर पदका लागि पनि सबैभन्दा प्रिय क्षेत्रीय अध्यक्ष कुसुम कार्की नै देखिएका छन् । उनलाई करिब ४५ प्रतिशत मानिसले मेयर पदको उम्मेदवार बन्न चाहेको बताए । त्यसैगरी उद्धव खरेलका पक्षमा २२ प्रतिशत मत देखियो । जयराम थापाका पक्षमा १६ प्रतिशत मत देखिएको छ भने दीपक निरौला र मिठाराम अधिकारीको पक्षमा क्रमश १० र ७ प्रतिशतले आफ्नो मत जाहेर गरेका छन् ।

माओवादी केन्द्रबाट रविन अधिकारीबाहेक कसैको नाम आएन ।

कांग्रेसमा जित्नका लागि राजु श्रेष्ठ नै चाहिने अवस्था
बुनपामा मेयर कस्ले जित्ला भन्ने प्रश्नमा नेपाली कांग्रेसबाट राजु श्रेष्ठ उम्मेदवार बने भने जीत हुन्छ भन्नेहरु ३४ प्रतिशत देखिए । १० प्रतिशतले राजाराम बुढाथोकी उम्मेदवार भए जित्छ भने । १२ प्रतिशतले जो उठाए पनि जित्छ भन्ने मत जाहेर गरे । बाँकी ४४ प्रतिशतले भन्न नसकिने बताए । ३०० जनामध्ये ९९ जनाले नेपाली कांग्रेसका पक्षमा बोलेका थिए ।

एमालेबाट कुसुम कार्कीले जित्छन् भन्ने धेरै
एमालेमा २७ प्रतिशतले कुसुम कार्की उठे भने चुनाव जितिने बताए । त्यसैगरी उद्धव खरेल उठे भने चुनाव जितिने मत जाहेर गर्नेहरुको संख्या १८ प्रतिशत थियो । जयराम थापा उठे भने चुनाव जितिन्छ भन्नेहरु ११ प्रतिशत थियो । मिठाराम अधिकारी उठे भने चुनाव जितिन्छ भन्नेहरु ७ प्रतिशत छ भने दीपक अधिकारी चुनावमा उठे भने जितिने बताउने ५ प्रतिशत थियो । १० प्रतिशतले जो उठाए पनि जित्ने बताए । १२ प्रतिशतले भन्न नसकिने मत जाहेर गरे । ३०० जनामा १०७ जनाले एमाले पक्षमा बोलेका थिए ।

३०० जना सहभागिमध्ये रविन अधिकारी पक्षमा मत जाहेर गर्नेहरु ४४ जना थिए । बाँकी केहीले राप्रपा, विवेकशील नेपाली, साझा पार्टीलगायतका पक्षमा मत जाहेर गरेका थिए । ११ जनाले भोट हाल्दिन भनेका थिए ।

वडामा को बलियो ?

बुनपाका १३ वटा वडामा को बलियो भन्ने विषय पनि हामीले सर्वेक्षणमा सोधेका थियौँ । सर्वेक्षणमा भाग लिएकाहरुले मतका आधारमा यस्तो नतिजा देखियो ।
वडा नं. १ मा

नेकपा एमाले अगाडि