राजुप्रसाद न्यौपाने बुनपाबाट बिदा भए, घोडाघोडी नगर प्रमुख बनेर

कपन अनलाइन, ३० मंसिर, २०७३

बुढानिलकण्ठ नगरपालिकाका अधिकृत राजुप्रसाद न्यौपानेको सरूवा भएको छ । बुनपा स्थापनाकालदेखि कार्यरत रहेका न्यौपाने कैलाली जिल्लाको नवनिर्मित घोडाघोडी नगरपालिका कार्यकारी अधिकृत बनेर सरूवा भएका हुन् । बुनपामा २ पटक निमित्त कार्यकारी अधिकृत बनेर सेवा प्रदान गरेका न्याौपानेलाई बुनपावासीले सरल र विकासप्रेमी अधिकृतको रुपमा लिएको आज आयोजित बिदाइ कार्यक्रममा बताइएको थियो ।

साविक चपली गाविसको सचिव पददेखि यस क्षेत्रको विकास र सेवामा समर्पित राजुप्रसाद न्यौपानेको विदाइ कार्यक्रममा बुनपा कार्यकारी अधिकृत विश्वराज मरासैनीलगायत बिभिन्न राजनीतिक दलका प्रतिनिधि र कर्मचारीहरूको उपस्थिति थियो ।

विदाई कार्यक्रममा भावुक बनेका न्यौपानेले बुनपाको विकासमा आफुले केही समय सेवा गर्न पाएकोमा खुशी लागेको बताए । आफु जहाँ गए पनि बुनपावासीको मायालाई नभुल्ने बताउँदै उनले सबै आफ्ना सहयोगीलाई धन्यवाद दिए ।