देवकोटा पुरस्कारका लागि पाँच स्रष्टा छनोट

कपन अनलाइन, काठमाडौँ, २९ मङ्सिर ।

संस्कृति, पर्यटन तथा नागरिक उड्डयन मन्त्रालयले २०७३ सालका लागि प्रदान गरिने महाकवि लक्ष्मीप्रसाद देवकोटा पुरस्कारको छनोट गरेको छ ।

जनही रु एक लाख राशिको उक्त पुरस्कार पाउने पाँच जना स्रष्टामा डा वानिरा गिरी (कविता), कृष्ण गौतम (निबन्ध र समालोचना), परशुप्रधान (आख्यान र नाटक), वासुदेव मुनाल ( बाल साहित्य, लोक साहित्य र नगेन्द्रराज शर्मा (साहित्य सेवातर्फ) रहेको मन्त्रालयले जनाएको छ ।

विसं २०६८ मा सरकारले स्थापना गरेको महाकवि देवकोटा पुरस्कार हरेक वर्ष पाँच जना व्यक्तित्वलाई वितरण गर्दै आएको छ ।

महाकवि देवकोटा पुरस्कार मापदण्ड तथा कार्यविधि बमोजिम गठित महाकवि देवकोटा पुरस्कार चयन समितिले गरेको सिफारिसअनुसार मन्त्रिस्तरको निर्णयबाट पुरस्कार दिने निर्णय भएको पर्यटन मन्त्रीका प्रेस सल्लाहकार सुनिल सापकोटाले जानकारी दिनुभयो । रासस