विप्लव माओवादी केन्द्रीय सदस्य माईला लामा गिरफ्तार

सादा पोसाकमा आएका प्रहरीहरूले लामा सहित अन्य कार्यकर्तालाई व्यापक धरपकड सहित प्रकाउ गरेको प्रत्यक्षदर्शीले जनाए । दिनभर चलेको प्रशिक्षण कार्यक्रम अवधिभर पनि प्रहरी कार्यक्रम स्थल बालउद्धार उमाविको चारैतिर छरिएर बसेका पनि स्थानीय प्रत्यक्षदर्शीले बताए । बौद्धका प्रहरी डिएसपीकै कमाण्डमा आएको प्रहरीले माओवादी कार्यकर्तालाई प्रकाउ गरेको पनि बताईएको छ ।

प्रकाउ परेका माओवादी नेता कार्यकर्तालाई महानगरीय प्रहरी वृत्त वानेश्वर लगिएको बुझिएको छ । यस सन्दर्भमा कपनअनलाइनले माओवादी नेता कार्यकर्ता प्रकाउ पर्नुका बारे बुझ्न खोज्दा बौद्ध प्रहरी बृत्तका डिएसपीले बानेश्वर प्रहरी बृत्तका नारायण चिमोरियासँग जानकारी लिनलाई बताए भने वानेश्वरका डिएसपीले आफूकोमा माओवादी नेताहरू आइनपुगेको बताए ।

यसैबीच माओवादी पार्टी प्रवक्ता खड्क बहादुर विश्वकर्माले प्रकाउ परेका नेता कार्यकर्ताको तत्काल रिहाईका लागि माग गरेका छन् ।

करिव ३०० जना अगुवा कार्यकर्ताको उपस्थिति रहेको कार्यक्रममा माओवादीका पोलिट ब्युरो सदस्य सन्तोष बुढामगर, केन्द्रीय सदस्यहरू माईला लामा लगायत भर्खरै एमाओवादी परित्याग गरेका एमाओवादी क्षेत्र नं ४ का ईन्चार्ज एंव एमाओवादी नेवा राज्य ईन्चार्ज झक्कु सुवेदीका छोरा सन्तोष सुवेदी ‘प्रयास’ को आतिथ्यता रहेको माओवादीले बतायो ।

कपनअनलाइनका पत्रकारमाथि पनि प्रहरीको दुर्व्यवहार

माओवादी नेता प्रकाउ गर्दै गरेको फोटो क्यामेरामा कैद गरेका कपनअनलाइनका पत्रकारलाई पनि प्रहरीले दुर्व्यवहार गरेको छ । कपन अनलाईनका फोटो पत्रकारको  क्यामेरामा रहेको फोटो पनि प्रहरीले जवरजस्ती डिलिट गरिदिएको छ ।