लिजेण्ड एफसी र बालकुमारी फाइनलमा भिड्ने ।

२२ असार, कपन, काठमाडौं ।
गाँउ खेलकुद विकास समिति कपनद्धारा आयोजना गरिएको प्रथम सेभेन ए साईड फुटबल प्रतियोगिताको फाईनलमा लिजेण्ड एफ सी र बालकुमारी भिड्ने भएका छन् । कपनको आकाशेधारा स्थिीत ह्यान्डबल मैदानमा भएको पहिलो सेमिफाईनल खेलमा लिजेन्ड एफसीले युनिक ब्वाईजको चुनौती सजीलै पन्छायो । यस क्रममा लिजेन्डले ३ गोल गरयो भने पराजीत टिमका तर्फबाट कुनै पनि गोल हुन सकेन । दोस्रो सेमिफाइनलमा भने बालकुमारीले सदाबहारमाथी अप्रत्यासीत नतीजा निकाल्दै फाइनलमा प्रवेश गरयो । यस क्रममा बालकुमारीले २ गोल गर्दा सदाबहारले कुनै पनि गोल गर्न सकेन । यस अघि आज सम्पन्न प्रतिस्पर्धात्मक क्वाटरफाइनल खेलमा आयोजकलाई ३ का बिरुद्ध २ गोलले पराजीत गर्दै सदाबहार खेलकुद समाज सेमिफाईनलमा प्रवेशका निमित्त कठिन जित हात पारेकोे थियो । अन्य क्वाटरफाईनल खेलहरुमा आरम्भ युवा क्लब लाई युनिक ब्वाईजले ० का बिरुद्ध १, बालकुमारीले फैका स्टारलाई ३ का बिरुद्ध १, लिजेन्ड एफसीले कपन खेलकुद बिकास समाज बिलाई २ का बिरुद्ध ० गोलले पाखा लगाउदै सेमिफाईनलमा प्रवेश गरेका थिए । प्रतियोगीताको फाईनल शनिबार सोही मैदानमा हुनेछ । प्रतियोगितामा कपन गा.वि.स. भित्रका स्थानिय क्लब, सामाजीक संंस्था र अन्य संस्था गरी कुल ४४ टिमको सहभागीता रहेको थियो । स्थानीय स्तरमा यति धेरै संख्यामा टिमहरुको प्रतिस्पर्धा भएको यो नै सम्भवतः ठुलो र पहिलो प्रतियोगीता हुनसक्ने आयोजकको दावी छ । स्थानिय स्तरदेखि नै फुटबल खेललाई विकास गर्ने तथा युवा खेलाडीहरुलाई उत्पादन गर्ने उद्देश्यका साथ यो प्रतियोगिताको आयोजना गरिएको हो । प्रतियोगीता असार १६ गतदेखि सञ्चालन भएको थियो ।