तिमी र म : श्रेया पाण्डे ( कविता )

कपन अनलाइन

काठमाण्डौ ,फागुन ९।

तिमी कहाँ त्यो आकाशको जून शीतलमा उज्यालो छर्ने
म कहाँ यो धर्तीको धुलो तिमीलाई हेरी समय काट्ने

कहाँ तिमी त्यो क्षितिज पारिको सुन्दर लोकमा
कहाँ म यो धर्तीको धुलो माटोमा

कहिले होला र हाम्रो भेट
तिमी र म त क्षितिजमा मात्र सँगै

तिमी पो मेरो कविताको सुन्दर रचना
म त केवल त्यस कविताको एक लुकेको भावना

सहकार्य : कपन बानेश्वर साहित्यिक साप्ताहिक