टिआइएमा ‘विद्यालय परिषद सदस्य निर्वाचन २०८२’ सम्पन्न

१५ जेष्ठ २०८२, बिहीबार

कपन अनलाइन

काठमाडौं ,जेष्ठ १५।

बुढानिलकण्ठ नगरपालिका वडा नं ७ मा रहेको ट्रुंगग्राम इन्टरनेसनल एकेडेमीको ‘विद्यालय परिषद सदस्य निर्वाचन -२०८२´ सम्पन्न भएको छ।

सो निर्वाचनमा यस विद्यालयका कक्षा ६ देखि कक्षा १० सम्मका विद्यार्थीले सक्रियतापूर्वक मतदान गरेका थिए । विद्यार्थीका सक्रिय सहभागिता मार्फत विद्यार्थी प्रतिनिधि चयन गर्ने प्रक्रिया बिहान ठिक १० बजेबाट शुरू भएको थियो।

निर्वाचनको प्रचार-प्रसारदेखि मतगणनासम्मको सम्पूर्ण जिम्मेवारी विद्यार्थीहरूले आफैले कुशलतापूर्वक सम्हालेका थिए । संवृद्ध विद्यालय र लोकतान्त्रिक अभ्यासको प्रदर्शन गर्ने उदेश्यले विद्यालयले आयोजना गरेको यस निर्वाचन मार्फत विद्यार्थीहरूले छात्र/छात्रा परिषद सदस्यको पद प्राप्त गरेका थिए ।