बुढानिलकण्ठ-१२ ले घर नम्बर सहित वडाका विभिन्न मार्ग,टोल तथा सडकहरुको नामाकारण गर्ने

बुढानिलकण्ठ नगरपालिका वडा १२ ले वडाका विभिन्न टोल तथा सडकहरुको नामाकारण गर्ने भएको छ।

करिव २७३४ घरधुरी रहेको वडा -१२ मा रहेका मुख्य सडक तथा गल्लीहरुको नमाकरण गर्नका लागि भेलाको आयोजना गरिएको हो।

बुढानिलकण्ठ नगरपालिका वडा -१२ का जनप्रतिनिधि तथा विभिन्न टोल सुधार समितिका पदाधिकारीहरुको उपस्थितिमा भएको सो भेलामा टोल,सडक तथा मार्गहरुको नामाकरणका लागि गठन गरिएको कार्यदलका संयोजक डा.कृष्ण सुवेदीले कार्यविधि प्रस्तुत गरेका थिए।

उक्त भेलामा बोल्दै वडा -१२ का अध्यक्ष शम्भु प्रसाद भट्टराईले वडालाई नमुना र पृथक बनाउनका लागि भेला आयोजना गरिएको बताउदै उचित सल्लाह र सुझाव प्रदान गर्नका लागि वडावासीलाई अनुरोध समेत गरेका थिए।

वडामा रहेका घरधुरीमा नम्बर राखेर तथ्यांक तयार गर्दा पत्राचार तथा सम्पर्क गर्न निकै सहज हुने भन्दै उनले नामाकरणले मौलिकता र पहिचानको संरक्षण हुने विस्वास व्यक्त गरेका थिए।

तपाइँको प्रतिक्रिया ।