बाल कुमारी मावि बुढानिलकण्ठ-१२ मा रमाइलो शुक्रबार, प्रमुख र उपप्रमुखद्वारा अबलोकन

कपन अनलाइन

काठमाण्डौ ,पुस १९।

बुढानिलकण्ठ नगरपालिका वडा नं १२ मा रहेको बाल कुमारी मावि बुढानिलकण्ठ-१२ मा रमाइलो शुक्रबार कार्यक्रम संचालन भएको छ। पुस १९ गते विद्यालयमा भएको सो कार्यक्रममा विद्यार्थीहरुले तयार गरेका विभिन्न सामाग्रीहरुको प्रदर्शन गरिएको थियो।

भर्खर सम्पन्न रास्ट्रपति रनिङ्ग शिल्ड प्रतियोगितामा बुढानिलकण्ठ मै दितीय स्थान प्राप्त गरेको सो विद्यालयमा संचालन भएको रमाइलो शुक्रवार कार्यक्रमको नगरपालिकाका प्रमुख मिठाराम अधिकारी र उप प्रमुख अनिता लामाले अबलोकन गरेका थिए।

त्यस्तै सो अवसरमा मिराज इन्स्टिच्युटको सहकार्यमा बेकरी तालिम र प्रदर्शनी समेत गरिएको जानकारी दिदै प्रधानाध्यापक इन्द्र बहादुर राईले विद्यार्थीहरुलाई सुचना प्रविधिको तालिम पनि प्रदान गरिएको बताएका छन।