झडपमा १८ तालिवानको मृत्यु
काबुल, १६ भदौ । अफगानिस्तानको पश्चिमी प्रान्त हेरातको सिन्दान्द जिल्लामा तालिवानका नयाँ प्रमुख मुल्लाह अख्तार मुहमद मन्सुरका समर्थक र विरोधीबीच मङ्गलबारदेखि सुरु भएको झडपको कारण कम्तीमा पनि १८ जना आतङ्ककारी मारिएका छन ।
अफगानिस्तनको राजधानी काबुलबाट ६४० किलदोमिटर पश्चिममा पर्ने उक्त जिल्लामा सो झडप भएको बताइएको छ ।
सो झडपमा परी समर्थक र विरोधी दुबै तर्फगरी १८ व्यक्ति मारिनुका साथै दश जना घाइते भएका अफगानिस्तानको स्थानीय टेलिभिजनले जनाएको छ ।
झडप बुधबार बिहानसम्म नै जारी रहेको पनि स्थानीय अधिकारीले बताएका सो टेलिभिजनले जानकारी दिएको छ ।
गत हप्तादेखि हालसम्म नयाँ प्रमुख मुल्लाह अख्तार समर्थक र विरोधीबीचको झडप यो तेस्रो पटक भएको जनाइएको छ ।
गत जुलाईको अन्त्यमा तालिवान प्रमुख मुल्लाह मोहमद ओमारको मृत्यु भएको पुष्टि भए
पछि मुल्लाह अख्तार मन्सुरलाई प्रमुखका रुपमा घोषणा गरिएको थियो ।
