गीत : प्रीती कौर

कपन अनलाइन

काठमाडौं, फागुन १९।

आज मेरो साथी छुटेको छ
त्यसैले होला मन दुखेको छ
आज मेरो साथी छुटेको छ

समय न त हो एकैनास हुदैन
मन न त हो सबैको लागि रुदैन
पूरा हुन नपाउदै सपना टुटेको छ
त्यसैले होला मन दुखेको छ

हाल बेहाल सोध्ने कुनै ठाँउ छैन
उडेर नै पुग्ने उसको गाउँ छैन
सम्बन्धको कम्जोर धागो चुटेको छ
त्यसैले होला मन दुखेको छ ।

सहकार्य : कपन बानेश्वर साहित्यिक साप्ताहिक