बुढानीलकण्ठ नगरपालिका वडा नं १० को कार्यालय भवन शिलान्यास

कपन अनलाइन

काठमाडौं, फागुन १७।

बुढानीलकण्ठ नगरपालिका वडा नं १० को प्रशासनिक कार्यालय भवन शिलान्यास गरिएको छ ।

बिहिबार नगर प्रमुख मिठाराम अधिकारी, उप-प्रमुख अनिता लामा र नगर प्रवक्ता एवं वडा नं. १० वडाध्यक्ष नवराज भट्टराईले संयुक्त रुपमा भवन निर्माण कार्यको शुभारम्भ गरेका छन।

वडा नं १० को सिद्देश्वर मन्दिर क्षेत्रमा रहेको फ्रेन्डशिप युवा क्लव भवन रहेको स्थानमा निर्माण हुने वडा कार्यालय भवनमा अन्डरग्राउण्ड पार्किङ सहित सुविधा सम्पन्न अपाङ्ग र ज्येष्ठ नागरीक मैत्री संरचनाहरु रहने वडा नं १० का अध्यक्ष नवराज भट्टराईले जानकारी दिएका छन।

अस्थायी रुपमा रहेको वडा नं १० कार्यालयमा संरचना अभाव भएको कारण दैनिक प्रशासनिक कार्यहरु सञ्चालन गर्न असहज भईरहेकाले नगरपालिकाको लागतमा साढे ३ तल्ले वडा कार्यालय भवन निर्माण प्रकृया सुरु गरिएको बताउदै उनले १८ महिना भित्रै निर्माण सम्पन्न गरी २०८२ बैशाख १ गते कार्यालय उद्घाटन गर्ने तयारीमा रहेको बताएका छन  ।