लिटल मुन हाई स्कुल बुढानिलकण्ठ -१२ को खेलकुद सप्ताह सुरु

कपन अनलाइन
काठमाडौं, माघ २३।

बुढानिलकण्ठ नगरपालिका वडा नं १२ मा रहेको लिटल मुन हाई स्कुलमा खेलकूद सप्ताह सुरु भएको छ।

२०४४ शालमा स्थापना भएर  न्युनतम शुल्कमा गुणस्तरीय शिक्षा प्रदान गर्दै आएको सो विद्यालयको खेलकुद सप्ताहको उदघाटनमा विद्यार्थीहरुले विभिन्न सांस्कृतिक तथा रचनात्मक गतिविधिहरु प्रस्तुत गरेका थिए।

माघ २५ गते सम्म चल्ने सो खेलकुद सप्ताहमा भलिबल, फुटबल,फुटसल, बस्केटबल,छेलो, म्युजिकल चियर, भाले जुधाई, वेलुन दौड लगायतका खेलहरुमा प्रतिस्पर्धा हुने प्रिन्सिपल मुरारी भण्डारीले जानकारी दिएका छन।

अभिभावकहरु संग निरन्तर अन्तरक्रिया, नियमित अतिरिक्त क्रियाकलाप, दक्ष र तालिम प्राप्त शिक्षक,उचित शैक्षिक पूर्वाधार जस्ता विशेषता रहेको सो विद्यालयको खेलकुद सप्ताह २५ गते पुरस्कार वितरण सहित समापन हुनेछ।