पैसा नतिरी विद्यालय फेर्ने अभिभावकलाई आपत,बुढानिलकण्ठमा सक्कल रिजल्ट बिना भर्ना नलिइने !

कपन अनलाइन

काठमाण्डौ,माघ २२।

नेसनल प्याब्सन बुढानिलकण्ठका सदस्य विद्यालयहरुले संगठनमा नै आवद्ध रहेको अर्को सदस्य विद्यालयको विद्यार्थीलाई वार्षिक परीक्षाको सक्कल रिजल्ट पेश नगरेसम्म आफ्नो विद्यालमा भर्ना लिन नपाइने निर्णय गरिएको छ ।

विगत लामो समय देखि विद्यालयहरुको लागि टाउको दुखाइको विषय बनेको यो गम्भीर समस्यालाई समाधान गर्न नेसनल प्याब्सन बुनपाको आज बसेको बैठकले सो निर्णय गरेको हो ।

एउटा विद्यालयमा हजारौ शुल्क भुक्तान गर्न बाकी रहदा पनि अभिभावकले आफ्नो बालबालिकालाई अर्को विद्यालयमा लगेर भर्ना गराउने जुन विकृति छ त्यसको अन्त्यको लागि नेसनल प्याब्सन बुनपाले यस्तो निर्णय गरेको र अब नेसनल प्याब्सनमात्र नभएर यो निर्णयमा प्याब्सन र पेटसन बुनपालाई समेत एक ठाउँमा उभिन आग्रह र पहल गरिने नेसनल प्याब्सन बुनपाका अध्यक्ष तेन्जिङ भोटियाले जानकारी दिएका छन ।