पिक प्वाईन्ट पब्लिक स्कुललाई स्याट फुटसलको उपाधि

कपन अनलाइन

काठमाण्डौ ,मंगसिर २७।

बुढानीलकण्ठ नगरपालिका वडानम्बर १३ स्थित पिक प्वाईन्ट पब्लिक स्कुलले स्याट फुटसल-२०८०को उपाधि जितेको छ ।

महाराजगन्ज भाटभटेनीस्थित स्काई गोल फुटसलमा भएको खेलमा साम्तेन मेमोरियल स्कुललाई २–० ले हराउँदै पिक प्वाईन्ट पब्लिक स्कुलले स्याट फुटसलको उपाधि उचालेको हो ।

प्रतियोगितामा उत्कृष्ट गोलकर्ता र उत्कृष्ट खेलाडीका रूपमा पिक प्वाईन्ट पब्लिक स्कुलका रोशन लामाले उपाधि चुमेका छन् । त्यस्तै सिनियर तर्फबाट उत्कृष्ट गोलकर्ताको उपाधि सोही विद्यालयका एलेक्स घिसिङले हात पारेका छन् । खेलमा ‘SAAT’ अन्तर्गतका विभिन्न विद्यालयबाट जम्मा २७ वटा टिम सहभागी थिए ।

पुरस्कार वितरण समारोहमा सम्बोधन गर्दै ‘SAAT’ का अध्यक्ष बिनय श्रेष्ठले शैक्षिक रूपान्तरणका लागि विद्यालयहरूको सङ्गठन ‘SAAT’ ले विभिन्न समयमा शैक्षिक तथा अतिरिक्त क्रियाकलाप गराई विद्यार्थीहरूको सर्वाङ्गिण विकासमा जोड दिँदै आएको बताएका थिए  । समारोहमा नेपाली महिला फुटबलको क्याप्टेन साबित्रा भण्डारीको प्रमुख आतिथ्यता रहेको थियो ।