१६ औं फेका कप अन्तरविद्यालय छात्र फुटबल प्रतियोगिता बिहीबारदेखि सुरु

कपन अनलाइन

काठमाण्डौ,मंगसिर २२।

स्वच्छ शैक्षिक प्रतिस्पर्धीहरुको संगठन (फेका) को आयोजनामा १६ औं फेका कप अन्तरविद्यालय छात्र फुटबल प्रतियोगिता बिहीबारदेखि सुरु भएको छ ।
प्रतियोगिताको कागेश्वरी मनोहरा नगरपालिकाका मेयर उपेन्द्र कार्कीले एक कार्यक्रमबीच उद्घाटन गरे । उद्घाटनका अवसरमा विद्यार्थीहरुको मार्च पास्ट कम्पिटिसन समेत भएको थियो । मार्च पास्टमा विद्या विकास स्कुल प्रथम, शिक्षालय नेपाल द्वितीय, हाइली क्रिएटिभ स्कुल तृतीय र गोल्डेन बड स्कुल चौथो भए ।
बिहीबार भएको एक मात्र खेलमा डिफेन्डिङ च्याम्पियन ओरियन्टलले विजयी सुरुआत गरेको छ । ओरियन्टलले कौस्तुभलाई ३–१ गोल अन्तरले पराजित ग¥यो । ओरियण्टलका उमेश अछामीले, प्रज्ज्वल भुजेल र मनोज रामले गोल गरे । कौस्तुभका रिदम श्रेष्ठले सान्त्वना गोल गरे । ओरियन्टलका प्रज्वल भुजेल ‘म्यान अफ द म्याच’ भए ।
नकआउट प्रतियोगितामा २४ टिमको सहभागिता रहेको फेकाका सह–सचिव एवं कार्यक्रम संयोजक राजु दाहालले जनाएका छन् । शीर्ष चार स्थान हात पार्ने टिमले क्रमशः ३० हजार, २० हजार, १० हजार र ५ हजार नगद पुरस्कार पाउने छन् ।