प्रथम दशैं खसी कप २०८० सेभेन ए साइड फुटबल प्रतियोगिताको उपाधि अजिमा कन्स्ट्रक्सनलाई

कपन अनलाइन

काठमाडौँ, आश्विन १० ।

युथ फेस्टिबल कमिटि द्वारा आयोजित प्रथम दशैं खसी कप २०८० खुल्ला सेभेन ए साइड फुटबल प्रतियोगिताको उपाधि अजिमा कन्स्ट्रक्सनले जितेको छ । मंगलबार भएको फाइनल खेलमा अजिमा कन्स्ट्रक्सनले ताहाचल फुटबल टिमलाई पेनाल्टी सुटआउटमा ३–२ ले पराजित गरेको हो ।जित संगै अजिमा कन्स्ट्रक्सनले नगद रु ५० हजारका साथमा खसि खरिदका लागि थप २० हजार प्राप्त गरेको छ भने उप बिजेता ताहाचल फुटबल टिमले नगद रु २५ हजारका साथमा ट्रफी, प्रमाणपत्र, मेडल प्राप्त गरेको छ ।

काठमाडौं महानगरपालिका वडा नं. ६ को बौद्ध फुटबल मैदानमा प्रतियोगिता आयोजना गरिएको हो । सामाजिक अभियन्ता मुस्कान खातुनको अध्यक्षतामा भएको उक्त कार्यक्रममा प्रतिनिधि सभा सदस्य तथा अर्थ समितिका सभापति माननीय सन्तोष चालिसेको प्रमुख आतिथ्यता रहेको उक्त कार्यक्रममा संघीय सांसदहरु अशोक चौधरी, निशा डागी, वागमति प्रदेश सभा सदस्य विमल ठकुरी, छिरिङ दोर्जे लामा, गोकर्णेश्वर नगरपालिकाका उपप्रमुख सान्नानी लामा, नगर प्रवक्ता नारायण बहादुर सुवेदी, वडा नं. ४ का वडा अध्यक्ष जयराम महत लगायतको बिभिन्न संघ संस्थाका प्रतिनिधि सित खेलाडीर खेलप्रेमी दर्शकहरुको उपस्थिति रहेको थियो आइतबार बाट शुरु भएको उक्त प्रतियोगितामा ३२ टिमको सहभागिता रहेको थियो प्रतियोगितामा निर्णायक ( रेफ्रि)को भूमिका प्रदिप लामा र जोन महर्जनले निभाएका थिए ।