गोकर्णेश्वर नगरपालिकाको प्रमुख प्रशासकीय अधिकृतमा टेकराज पन्थी

गोकर्णेश्वर नगरपालिकाको प्रमुख प्रशासकीय अधिकृतमा टेकराज पन्थी आएका छन् ।

संघीय मामिला तथा सामान्य प्रशासन मन्त्रालयले गरेको उपसचिवहरुको सरुवामा गोकर्णेश्वर नगरपालिकाको प्रमुख प्रशासकिय अधिकृतका रुपमा पन्थी आएका हुन।

बुटवल उप-महानगरपालिका रुपन्देहीमा रहेका पन्थीले ललितपुरको गोदाबरी नगरपालिकाको प्रमुख प्रशासकीय अधिकृतका रुपमा समेत काम गरिसकेका छन। बुढानिलकण्ठ नगरपालिका वडा नं-१० का वासिन्दा समेत रहेका हालका प्रमुख प्रशासकीय अधिकृत बैकुण्ठ प्रसाद सापकोटा भने सामान्य प्रशासन मन्त्रालयमा सरुवा भएका छन।

नगरपालिकाले प्रमुख प्रशासकीय अधिकृतका रुपमा आएका टेकराज पन्थीलाई स्वागत गरेको छ भने बैकुण्ठ प्रसाद सापकोटालाई भोलि १ बजे फेरि भेटौंला कार्यक्रम मार्फत विदाई गर्ने भएको छ । सापकोटा आइतबारदेखि मन्त्रालयमा हाजिर हुने भएका छन् ।