सुसेलीहरु : सुमित्रा श्रेष्ठ (कविता )

कपन अनलाइन

काठमाण्डौ ,भाद्र २३।

यी दुबै खास
आमा हाम्री धरती
बाबा आकाश ।

सम्मान देउ
हुँदा बृद्धअबश्था
नलाउ छेउ ।

हामिले हेर
गर्नुपर्छ आदर
दुख बुझेर ।

नगर हेला
चाउरेको मुहार
हातको ठेला ।

माया ममता
आमामा छ, बाबामा
अति धैर्यता ।

छैन भन्दैनन्
सानोतिनो कष्ट त
दुखै ठान्दैनन् ।

गौरब गाथा
दुखको बर्सादमा
बाबा हुन् छाता ।

आदर्श मेरो
बाबा बिना जीवन
हुन्छ अँध्यारो ।

खियाइ काँध
दिन्छन् जीवनभर
मायाको साथ ।

संरक्षक हुन्
बा भन्दा ठुलो गुरु
अरु छ र कुन् ?

सहकार्य : कपन बानेश्वर साहित्यिक साप्ताहिक