कागेश्वरीको गौरीनाथ देवलधारा देखि अर्याल गाउॅ सम्मको करिव ३ किलोमिटर सडक कालोपत्रे सम्पन्न
कपन अनलाइन
काठमाडौं जेठ २२ । कागेश्वरी मनोहरा नगरपालिकाको गौरीनाथ देवलधारा , अधिकारी गाउॅ,लामिछाने गाउॅ,गजुरेल डाडॅा नेपालडाडॅा हुदै शिव पञ्चायन मन्दिर अर्याल गाउॅ सम्मको करिव ३ किलोमिटर सडक कालोपत्रे सम्पन्न भएको छ। उक्त सडक कालोपत्रे भए संगै कागेश्वरी मनोहरा नगरपालिका वडा नं ६,७ र ८ तथा गोकर्णेश्वर नगरपालिका वडा नं ७ बासि लाभान्वित हुने भएका छन ।
उक्त सडक कालोपत्रे कार्यको कागेश्वरी मनोहरा नगरपालिका प्रमुख उपेन्द्र कार्की सहितको टोलीले निरीक्षण गरेका छन् । निरीक्षणको क्रममा नगर प्रमुख उपेन्द्र कार्कीले स्थानीय संग छलफल समेत गरेका थिए । कालोपत्रे कार्यको स्थलगत निरीक्षण गर्दै गुणस्तरीय ढंगले निर्माण कार्य सम्पन्न गर्न निर्देशन समेत दिएका थिए । विकास निर्माण कार्यमा वडाबासीको चासो रहनुपर्ने र सो गर्दा निर्माण कार्यमा अनियमितता हुन नसक्ने प्रमुख कार्कीको धारणा रहेको छ ।
