शंखरापुर नगरपालिकाको अवैधानिक टहरा हटाउने सम्बन्धी सार्वजनिक सुचना

कपन अनलाइन

काठमाडौं,बैशाख २६ । शंखरापुर नगरपालिकाले अवैधानिक टहरा हटाउने सम्बन्धी ३५ दिने सार्वजनिक सुचना जारी गरेको छ । अधिकृत सुभद्रा पुडासैनीले जारि गरेको उक्त सुचनामा शंखरापुर  नगरपालिकाको मिति २०७९/१२/३० गतेको कार्यपालिकाको निर्णयानुसार साबिक पुखुलाछी गा.बि.स वडा नं ४ क हाल यस नगरपालिकाको वडा नं ७ सुकेखोला संगै बन्दै गरेको अवैधानिक टहरा यो सुचना प्रकाशित भएको मितिले ३५ दिन भित्र हटाइ सो को  जानकारी नगर कार्यपालिकाको कार्यालयमा गराउन सरोकारवाला सबैलाई सार्वजनिक सुचना माफर्त अनुरोध गरिएको छ ।

अन्यथा नगरपालिकाले प्रचलित  कानुन बमोजिम सो अवैधानिक  टहरा हटाउने र सो  कार्यको लागत तथा क्षति सम्बन्धित  ब्यक्ति स्वयंले नै बेहोर्नुपर्ने व्यहोरा समेत  उक्त सुचनामा उल्लेख गरिएको छ ।