बुढानीलकण्ठ नगरपालिकामा धोबिखोला सरसफाई अभियान सुरु

कपन अनलाइन

काठमाण्डौ ,बैशाख १५ ।

हाम्रो रुद्रमती, राम्रो रुद्रमती” भन्ने मुल नाराका साथ बुढानीलकण्ठ नगरपालिकामा धोबिखोला सरसफाई अभियान सुरु भएको छ ।

रुद्रमती हरियाली उपभोक्ता समितिको आयोजना र बूढानीलकण्ठ नगरपालिका तथा डिभिजन वन कार्यालयको सहकार्यमा कार्यक्रम बैशाख १४ गते (बिहिबार) बाट प्रारम्भ भएको हो ।

दस  दिन सम्म चल्ने धोबिखोला अर्थात रुद्रमतीखोला सरसफाई कार्यक्रमको नगरप्रमुख  मिठाराम अधिकारी, डिभिजन वन कार्यालय अधिकृत बद्रि कुमार कार्की , विभिन्न वडाका पदाधिकारी, नगरपालिका प्रमुख प्रशासकीय अधिखृत तुल्सीराम अर्याल, रुद्रमती हरीयाली उपभोक्ता समिति अध्यक्ष शम्भु कुमार श्रेष्ठ लगायत नगरपालिका महाशाखा/शाखा कर्मचारी, समाजसेवी तथा स्थानीयवासिहरुको उपस्थितिमा अभियान  सुभारम्भ भएको थियो ।

वडा नं १० स्थित पाथीभरा वस्ती बाट सुरु भएको सरसफाई तथा सुन्दरीकरण कार्य वडा नं १३ भद्रकाली नौलिङ्थान सम्म हुने १० दिनेकार्यक्रम पश्चात यसको परिणाम, प्रभावकारीता र सुझाव अनुसार मासिक रुपमा सरसफाई अभियान संचालन गर्ने नगरपालिकाले जानकारी दिएको छ ।