नेपाल मेडिकल कलेज अत्तरखेलमा रक्तसञ्चार सेवा आरम्भ

कपन अनलाइन

काठमाडौँ. चैत्र १९ ।गोकर्णेश्वर नगरपालिका वडा नं ८ अत्तरखेलमा संचालित नेपाल मेडिकल कलेजमा रक्तसञ्चार सेवा आरम्भ भएको छ । हालै मात्र नेपाल मेडिकल कलेजले प्याथोलोजी ल्यावलाई आधुनिक स्तर उन्नती गरे संगै राष्ट्रिय जनस्वास्थ्य प्रयोगशाला टेकुले रक्तसञ्चार केन्द्रले  अनुगमन गरेर स्वीकृत गरेको हो । २०७९ चैत्र १७  गते देखि  उक्त अस्पतालमा  रक्तसञ्चार केन्द्र सञ्चालन भएसंगै सो रगत अभाब न्यूनीकरणमा सहयोग पुग्नुको साथै रगतको लागि  अन्यत्रटाढा सम्म  जानु पर्ने बाध्यता समेत हट्ने भएको छ ।

रक्तसञ्चार सेवा सञ्चालन गर्न आधुनिक  उपकरण जडान  गरिनुको साथै  दक्ष मानव स्रोतको व्यवस्थापन गरीएको  अस्पतालले जनाएको छ । अब सो केन्द्रबाट  RBC, FEP, Cryoprecipitate , Whole blood  तथा PRP जांच सेवा २४ सै घण्टा उपलब्ध  हुने भएको हुँदा स्थानीयबासी एबम अस्पतालका सेवाग्राहीलाइ सहज हुनेछ।

प्रत्येक  दिन स्वयंसेवी रक्तदाताबाट रगत जम्मा गरि आवश्यकता परेका र अस्पतालका बिरामीलाई वितरण गरीने प्रयोगशाला व्यवस्थापक सरोज जंग कुँवरले जानकारी दिएका छन ।