बागमती कोरिडोर विस्तार गर्न गोकर्ण वन क्षेत्रको पर्खाल भत्काउन सांसद सन्तोष चालिसेको माग

कपन अनलाइन

काठमाडौँ, चैत्र १३ ।

काठमाण्डौ क्षेत्र नं  ३ का  प्रतिनिधि सभा सदस्य सन्तोष चालिसले बागमती कोरिडोर सडक विस्तारका लागि  गोकर्ण वन क्षेत्रको पर्खाल भत्काउन माग गरेका हुन् ।

आइतबारको प्रतिनिधि सभाको बैठकको शून्य समयमा बोल्दै उनले नेपाल ट्रष्टको  स्वामित्वमा रहेको गोकर्ण वन क्षेत्रको जग्गा परेकोले उक्त जग्गाको भोगाधिकार दिनुपर्ने माग गरेका हुन  ।

आफ्नो निर्वाचन क्षेत्र काठमाडौँ–३ अन्तर्गत पर्ने गुह्येश्वरी देखि सुन्दरीजलसम्म १० किलोमिटर मध्ये ५ किलोमिटर करिडोर खुलिसकेको भन्दै बाँकी ५ किलोमिटर मध्ये १०० मिटर क्षेत्रमा पर्ने गोकर्ण वनको पर्खाल भत्काउने व्यवस्था गर्न माग गरेका हुन् ।

उक्त पर्खाल भत्काएर बाँकी ५ किलोमिटर करिडोर विस्तार गर्न सकिए बागमती करिडोर सडकले सुन्दरीजलसम्म सुविधा पुग्ने उनको भनाइ रहेको थियो  ।