प्रशान्ति एकेडेमी बुढानिलकण्ठ-१२ मा सांस्कृतिक तथा बिज्ञान प्रदर्शनी सम्पन्न
कपन अनलाइन
काठमाण्डौ ,फागुन २५।
प्रशान्ति एकेडेमी बुढानिलकण्ठ-१२ मा सांस्कृतिक तथा बिज्ञान प्रदर्शनी सम्पन्न भएको छ।
११३ औ अन्त रास्ट्रीय श्रमिक महिला दिवसको अवसरमा आयोजना गरिएको सो कार्यक्रममा विद्यार्थीहरुले विभिन्न सांस्कृतिक प्रदर्शनीहरु प्रस्तुत गर्नुका साथै बिज्ञान प्रदर्शनी पनि गरिएको थियो।
विद्यालय व्यवस्थापन समितीका अध्यक्ष मुरारी भण्डारीको अध्यक्षतामा भएको सो कार्यक्रममा प्रतिनिधि सभा सदस्य रणकुमारी बलम्पाकी मगर प्रमुख अतिथि रहेकी थिइन्।
उक्त कार्यक्रममा बुढानिलकण्ठ नगरपालिका वडा नं ९ की अध्यक्ष सुमित्रा त्रिपाठी पाण्डे,नगर कार्यपालिका सदस्य तथा सामाजिक विकास समिती संयोजक शान्ता ढकाल पुडासैनी,समाजसेवी एन्जिला न्यौपाने लगायत अतिथि रहेका थिए।
विद्यार्थी तथा अभिभावकहरुको बाक्लो उपस्थिति रहेको उक्त कार्यक्रममा विभिन्न खानाका परिकारहरु सहितका स्टलहरु पनि राखिएको थियो।
