ओखलढुंगाको चिसंखुगढी नगरपालिका-३ दियाले दुर्घटना अपडेट : दुइको मृत्यु ,११ घाइते

कपन अनलाइन

काठमाण्डौ ,फागुन २१।

ओखलढुंगाको चिसंखुगढी नगरपालिका-३ दियालेमा आइतबार बिहान एउटा यात्रुबहाक बोलेरो जिप दुर्घटना हुँदा २ जनाको घटनास्थलमै मृत्यु भएको  छ।

चिसंखुगढी नगरपालिका-३ दियालेबाट  सदरमुकाम ओखलढुंगातर्फ गइरहेको ना १ ज ८४७३ नम्बरको जिपमा १३ जना सवार रहेका थिए।घटनामा परी ओखलढुंगाको चिसंखुगढी नगरपालिका-३ का स्थानीय भक्तबहादुर थापा र मिन बहादुर श्रेष्ठको मृत्यु भएको हो।

घटनामा परी घाइतेहरूको थप उपचारका लागि हेलिकप्टरबाट काठमाडौं पठाइएको छ।