दोस्रो गोकर्णेश्वर नगरस्तरीय छात्र बास्केटबल प्रतियोगिताको उपाधी बुद्ध एकेडेमीलाइ

कपन अनलाइन

काठमाडौँ, फाल्गुन २१ । बुद्ध एकेडेमीले दोस्रो गोकर्णेश्वर नगरस्तरीय छात्र बास्केटबल प्रतियोगिताको उपाधि जितेको छ । गोकर्णेश्वर नगरपालिका खेलकुद विकास समितिको आयोजना तथा गोरक्ष स्पोर्टिङ क्लबको संयोजनमा भएको प्रतियोगीताको फाइनलमा बुद्ध एकेडेमीले सर्वनाम शिक्षालयलाइ पराजित गर्दै उपाधी जितेको हो । एकता जेम्स स्कुलले तेश्रो स्थानमा चित्त बुझायो ।

फाल्गुन १७ गते देखि गोकर्णेश्वर नगरपालिका वडा नं ६ स्थित बुद्ध एकेडमीको खेल मैदान मा भएको प्रतियोगितामा बुद्ध एकेडमीकै जोन पाख्रिन प्रतियोगिताकै सर्वाधिक स्कोरकर्ता बने भने अनुशासित टिमको उपाधि इष्ट पोल माविले हात पर्यो ।

विजेतालाई गोकर्णेश्वर नगरपालिका प्रमुख दिपक कुमार रिसाल, गोकर्णेश्वर नगरपालिकाका युवा तथा खेलकुद विकास समितिका संयोजक संजय लामा, नगरपालिकाका प्रवक्ता एबम वडा नं ५ का वडा अध्यक्ष नारायणबहादुर सुवेदी, लगायतले एक कार्यक्रमबीच पुरस्कार वितरण गरेको गोरक्ष स्पोर्टिंङ क्लबका अध्यक्ष एवं प्रतियोगिता संयोजक रञ्जनकुमार सापकोटाले जानकारी गराए ।