बुढानीलकण्ठ नगरपालिकाका सहकारीहरुको अभिमुखिकरण कार्यक्रम शुरु

कपन अनलाइन

काठमाण्डौ ,माघ २४ ।

बुढानीलकण्ठ नगरपालिका सहकारी शाखाको आयोजनामा नगरपालिकाभित्र सञ्चालित सहकारी संस्थाका पदाधीकारीहरुका लागि दुई दिने सहकारी संचालन तथा व्यवस्थापन सम्बन्धी अभिमुखिकरण कार्यक्रम शुरु भएको  छ।

सहकारी संस्थाका सञ्चालक, अध्यक्ष तथा पदाधीकारीहरुका लागि सहकारी संचालन गर्नका निमित्त अतिआवश्यक रहने नीति तथा नियम तथा सहकारी संस्थाको संचलन तथा व्यवस्थापनका लागि चाहिने विभिन्न कानूनहरुका विषयमा केन्द्रित रहेर नगरपालिकाले सो कार्यक्रमको आयोजना गरिएको हो ।

बुढानीलकण्ठ नगरपालिका तथा नगर सहकारी समन्वय समितिको सहकार्यमा ‘सहकारी संचालन तथा व्यवस्थापन सम्बन्धी दुई दिने अभिमुखिकरण कार्यक्रम’ आज मिति २०७९ माघ २४ र २५ गते गरि दुई दिन सञ्चालन हुनेछ ।

कार्यक्रममा नगरपालिकाका प्रमुख मिठाराम अधिकारी, उप-प्रमुख अनिता लामा, बागमती प्रदेश माननीय ज्ञान बहादुर तामाङ्ग, नगरपालिका प्रमुख प्रशासकीय अधिकृत भुवनेश्वर लामिछाने, नगरपालिकाका विभिन्न वडाका वडाध्यक्षहरु, कार्यपालिका सदस्यहरु, आर्थिक र लेखा समितिका  संयोजक तथा अन्य वडाका सदस्य, पत्रकार तथा कर्मचारी लगायतको उपस्थिति रहेको थियो।