पोखरा विमान दुर्घटनामा दिवंगत भएकाहरुको आत्मा शान्ति को कामना गर्दै दिप प्रज्वलन
कपन अनलाइन
काठमाडौं माघ ५ ।लायन्स कल्ब अफ काठमाडौ ग्रीन हिलको पोखरामा भएको विमान दुर्घटनामा दिवंगत भएकाहरुको आत्मा शान्ति को कामना गर्दै दिप प्रज्वलन गरिएको छ। बुधबार लायन्स क्लब इन्टरनेशनल डिस्ट्रिक डी अन्तर्गतको लायन्स क्लब अफ काठमाडौ जर्नी र लायन्स क्लब अफ काठमाडौ ग्रीन हिलको संयुक्त आयोजनामा पोखरामा भएको यती एयरलाइन्सको विमान दुर्घटनामा ज्यान गुमाउनेहरूको आत्मा शान्ति को कामना गर्दै बौद्धनाथ परिसरमा साँझ दीप प्रज्वलन गरेको हो ।
आइतबार यती एयरलाइन्सको विमान पोखरा अन्तर्राष्ट्रिय विमानस्थलमा अवतरण गर्ने क्रममा सेती खोचमा खसेको थियो ।दुर्घटनामा विमानमा सवार ६८ जना यात्रु तथा ४ जना चालक दलका सदस्यहरूको मृत्यु भएको थियो । कार्यक्रममा लायन्स क्लब इन्टरनेशनल डिस्ट्रिक ‘डी’का डिस्ट्रिक गभर्नर लायन बिष्णु भाइ श्रेष्ठ, लायन्स क्लब इन्टरनेशनल डिस्ट्रिक ‘डी’का क्याबिनेट बिनेट सेक्रेटरी लायन महेश आचार्य, लायन्स कल्ब अफ काठमाडौ जर्नीको चार्टर प्रेसिडेन्ट रोज बिष्ट प्रेसिडेन्ट बिशाल भण्डारी सहित लायन्स सदस्यहरुको उपस्थिति रहेको थियो ।
