काठमाडौं किर्कसलाई फुटबल प्रतियोगिताको उपाधी
कपन अनलाइन
काठमाडौँ, पौष २३।
काठमाण्डौं खेलकुद समाजद्धारा आयोजित १२ वर्ष मुनिका खेलाडीहरुको फुटबल प्रतियोगिताको उपाधी काठमाडौ किर्कस एकेडेमीले हात पारेको छ ।
शुक्रबार सम्पन्न पहिलो सेमिफाइनलमा किर्कसले ग्यालेक्सी स्कुल तथा रेब फुटसलले ग्रासरुट एकेडेमीलाई पारजित गर्दे फाइनल प्रवेश गरेका थिएर फाइनल खेलमा किर्कसले रेभ फुटसललाई पराजित गरेको हो ।
विजयी खेलाडीहरुलाई कपअन स्र्पोटस सेन्टरका अध्यक्ष तथा फुटबलकर्मी ( एन्फाका प्रमुख सल्लाहकार) नविन पाण्डे, काठमाडौं खेलकुद समाजका अध्यक्ष एवम् कपअन स्र्पोटस सेन्टरका कार्यकारी प्रमुख बद्रि भट्टराई लगायतले पुरस्कार वितरण गगरेका थिए ।
प्रतियोगितामा सर्वाधिक गोल गर्ने खेलाडी काठमाडौं किर्कसका अंकज भुषाल, काठमाडौं किर्कसका विसांख कार्की सर्वोत्कृष्ट खेलाडी, रेब फुटसलका रुजल बराल उत्कृष्ट गोलकिपर तथा खोपा एकेडेमीले अनुशासीत टिमको उपाधी हात पारेको थियो।
दुई दिन सम्म सञ्चालन भएको उक्त प्रतियोगितामा ग्रासरुट एकेडेमी, रेब फुटसल एकेडेमी ,ग्यालेक्सी स्कुल,काठमाडौं किर्कस एकेडेमी इमपेरियल स्कुल , खोपा किगंस एकेडेमी ,तौलुग एकेडेमी गरी ९ वटा एकेडेमीहरुले भाग लिएका थिए ।
