इलिक्सर एकेडेमीलाई काठमाण्डौ महानगरपालिकाको उत्कृष्ट विद्यालय पुरस्कार

कपन अनलाइन

काठमाण्डौ ,पुस २।

इलिक्सर एकेडेमीलाई काठमाण्डौ महानगरपालिकाको उत्कृष्ट विद्यालय पुरस्कार प्रदान गरिएको छ।

शैक्षिक सत्र २०७८ को एसईई परीक्षामा सर्बोत्कृष्ट नतिजा प्राप्त गर्न सफल काठमाण्डौ महानगरपालिका वडा नं  ७ मा कुमारीगालको  इलिक्सर एकेडेमीलाई काठमाडौँ महानगरपालिकाका प्रमुख  बालेन्द्र शाहले विद्यालयका प्रधानाध्यापक रविन दाहाललाई नगद पुरस्कार सहित प्रमाणपत्र प्रदान गरेका छन ।

काठमाडौं महानगरपालिकाले २८ औँ महानगर दिवसको अवसरमा आयोजित कार्यक्रममा काठमाडौँ महानगरपालिकाकी  उपप्रमुख सुनिता डंगोलले शैक्षिक सत्र २०७८ को एस.ई.ई. परीक्षामा ४ जिपिए ल्याउने इलिक्सर एकेडेमीका कृतिका सिवाकोटी र प्रतिक पौडेललाई नगद पुरस्कार सहित प्रमाण–पत्र प्रदान गरेकी थिइन् ।
काठमाडौँ महानगरपालिकाले प्रत्येक वर्ष  महानगर भित्रका उत्कृष्ट विद्यालय र विद्यार्थीहरुलाई नगद पुरस्कार सहित प्रमाणपत्र प्रदान गर्दै आएको छ ।