चुनिखेलमा डा.राजन भट्टराईलाई भव्य स्वागत ….

कपन अनलाइन

काठमाण्डौ,कार्तिक २४।

बुढानिलकण्ठ नगरपालिका वडा नं १३ मा काठमाण्डौ क्षेत्र नं ४ मा नेकपा एमालेका प्रतिनिधि सभा सदस्य उम्मेदवार डा.राजन भट्टराईलाई भव्य स्वागत गरिएको छ।

दुई वटा स्थानीय तहको निर्वाचनमा प्यानल सहित वडाको नेतृत्व गरेर नेकपा एमालेको मजबुत क्षेत्रको रुपमा चर्चित चुनिखेलमा प्रदेस सभा सदस्यका उम्मेदवार जयराम थापा सहित घरदैलोमा पुगेका डा. भट्टराईलाई उनको पहल र अभिभावकत्वमा आफ्नो ठाउँको मुहार फेरिएको भन्दै न्यानो स्वागत गरिएको नेकपा एमाले जिल्ला कमिटी सदस्य कृष्णकाजी श्रेष्ठले बताएका छन।

नेकपा एमाले काठमाण्डौ क्षेत्र नं ४ का नेता तथा कार्यकर्ताहरु सहित चुनिखेलका आगनहरुमा पुग्दा यस पटक निकै उत्साहपूर्ण र आत्मीय सदभाव पाएको बताउदै निवर्तमान अध्यक्ष तथा एमाले बुढानिलकण्ठ सचिव श्रीकृष्ण श्रेष्ठले पाँच वर्षमा चुनिखेलको पूर्वाधार र पहिचान स्थापित गर्न डा.भट्टराईको निकै ठुलो योगदान रहेको धारणा राखेका छन।