ओखलढुंगामा नेपाली कांग्रेसका वडा सभापति सहित सयौं नेता कार्यकर्ता नेकपा एमालेमा प्रवेश
कपन अनलाइन
काठमाण्डौ ,कार्तिक १९।
ओखलढुंगामा कांग्रेसका पार्टी सभापतिसहितका सयौं नेता कार्यकर्ता एमालेमा प्रवेश गरेका छन् ।
सिद्विचरण नगरपालिका ३ नारायणस्थानका कांग्रेसका वडा सभापति शिव बानियाको नेतृत्वमा कांग्रेसका वडासमितिका पदाधिकारीसहितका नेता कार्यकर्ता एमालेमा प्रवेश गरेका हुन् ।
नेपाली कांग्रेसका जिल्लास भापति तथा सिद्विचरण नगरपालिका प्रमुख तेजेन्द्र खनालको वडाको पार्टी समिति सहित सयजना प्रवेश गराएर कांग्रेस नै एमालेमा विलय गराएको एमाले प्रवेश गरेका नेता शिव बानियाले दावी गरेका थिए ।
ओखलढुंगा कांग्रेसभित्र पछिल्लो समय नातावाद र जातीवाद बढेर नेतृत्वले कार्यकर्तालाई चुनावमा मात्रै प्रयोग गर्ने गरेकाले पार्टी त्याग गरेको उनको भनाइ छ ।एमाले नेता अम्बिरबाबु गुरुङले जिल्लामा विकासको जग बसाएको र फेरि पनि उहाँको जीत सुनिश्चित रहेको भन्दै कांग्रेसको एउटा ठुलोपंतिले गुरुङलाई मतदान गर्ने बताए ।
नवप्रवेशीलाई नेता अम्बिरबाबु गुरुङ लगायतले एमालेमा स्वागत गर्दै कांग्रेसका जिल्ला सभापतिको गाउँबाटै वडा सभापतिसहितका नेता कार्यकर्ता एमालेमा प्रवेश गर्नुले आफुहरुको जितको संकेत गरेको बताएका थिए ।
