डा. राजन भट्टराईको वडाबाट गगन थापाको घरदैलो अभियान सुरु

कपन अनलाइन

काठमाडौं , कार्तिक १८।

नेपाली कांग्रेसका महामन्त्री तथा काठमाडौं क्षेत्र नं ४ का प्रतिनिधि सभा सदस्य उम्मेदवार गगन कुमार थापाले काठमाडौं महानगरपालिका वडा ७ बाट घरदैलो अभियान शुरु गरेका छन।

काठमाडौं क्षेत्र नं  ४ (१) मा नेपाली काङ्ग्रेसका उम्मेदवार श्रीराम लामिछानेको बसोबास रहेको काठमाडौं महानगरपालिका वडा ७ नेकपा एमालेका प्रतिनिधि सभा सदस्य उम्मेदवार डा.राजन भट्टराईको गृह वडा हो।

काठमाडौं क्षेत्र नं  ४ मा सबैभन्दा बढी मतदाता भएको वडा नं ७ को गणेशस्थानमा पुजा तथा दर्शन गर्दै घरदैलो अभियान सुरु गरेका थापाले सो भन्दा अगाडी नेकपा एकीकृत समाजवादी काठमाण्डौ क्षेत्र नं ४ (१ ) ले आयोजना गरेको भेटघाट तथा शुभकामना आदान प्रदान कार्यक्रममा सहभागिता जनाएका थिए।