नेकपा (एकीकृत समाजवादी ) का नेता कृष्णहरी थापा नेकपा एमालेमा फर्किए

कपन अनलाइन

काठमाण्डौ ,कार्तिक १५।

नेकपा (एकीकृत समाजवादी ) का नेता कृष्णहरी थापा नेकपा एमालेमा फर्किएका छन।

कागेश्वरी मनोहरा नगरपालिकाका प्रथम नगर प्रमुख समेत रहेका थापाले आफ्नो सामाजिक संजालमा लेख्दै आज बाट नेकपा एमालेको चुनावी अभियानमा सक्रिय बनेको बताएका छन।

काठमाण्डौ क्षेत्र नं २ को संगठन निर्माण र विस्तारमा लामो समयदेखी सक्रिय रहेका थापाले गठबन्धनवादी सोच र शैलीले राजनीतिलाई राम्रो बाटोमा नलैजाने भन्दै कार्तिक १५ गतेका दिन देखि नेकपा एमालेको प्रचारमा लागेको जानकारी दिएका छन।

नगर प्रमुख रहेको समयमा कागेश्वरी मनोहराको पूर्वाधार ,स्वास्थ्य र सामाजिक विकासमा महत्वपूर्ण विकास गरेर चर्चा कमाएका थापाको प्रवेसले नेकपा एमालले क्षेत्र नं २ मा निकै सहयोग पुग्ने विस्वास व्यक्त गरिएको छ ।