न्यानो साथ र सहयोगका लागि ओखलढुंगे समुदायलाई धन्यवाद : डा.राजन भट्टराई

कपन अनलाइन

काठमाण्डौ ,कार्तिक ८।

नेकपा एमालेका स्थायी कमिटी सदस्य तथा काठमाण्डौ क्षेत्र नं ४ का प्रतिनिधि सभा सदस्य उम्मेदवार डा.राजन भट्टराईले न्यानो साथ र सहयोगका लागि ओखलढुंगे समुदायलाई धन्यवाद दिएका छन।

ओखलढुंगा -काठमाण्डौ सम्पर्क मंचले आयोजना गरेको शुभकामना आदानप्रदान तथा देउसी भैलो कार्यक्रममा बोल्दै डा.भट्टराईले राजनीतक र सामाजिक रुपमा सो समुदायले खेलेको भूमिकाको प्रसंशा गर्दै सबैलाई धन्यवाद दिएका हुन्।

काठमाण्डौ क्षेत्र नं ४ र विशेष रुपमा कपन क्षेत्रमा रहेका ओखलढुंगे समुदायले सधै सकारात्मक र प्रभावकारी भूमिका निर्वाह गर्दै राजनीति र क्षेत्रको विकासमा प्रभावकारी भूमिका खेलेको बताउदै डा. भट्टराईले आगामी दिनमा पनि थप शशक्त र प्रभावशाली भूमिकाको अपेक्षा रहेको धारणा राखेका थिए।

ओखलढुंगा जिल्ला र काठमाण्डौ क्षेत्र नं ४ का मतदाताको बाक्लो उपस्थिति रहेको कार्यक्रममा बोल्दै उनले नेकपा एमालेले लिएका नीति र कार्यक्रमका आधारमा जनता माझमा गैरहेको र त्यसलाई नेपाली जनताले ठुलो जनमत सहित अनुमोदन गर्ने विस्वास व्यक्त गरेका थिए।

ओखलढुंगा जिल्लाका उम्मेदवारहरुलाई जितको कामना गर्दै डा.भट्टराईले सो अवसरमा नेकपा एमालेलाई निर्वाचनमा जिताउने गरी लाग्न सबैमा अनुरोध समेत गरेका थिए।