मस्टो धर्म संस्कृति संरक्षण समिति नेपालका अध्यक्ष बस्नेत काठमाण्डौ क्षेत्र नं ४ मा स्वतन्त्र उम्मेदवार
कपन अनलाइन
काठमाण्डौ ,असोज २७।
मस्टो धर्म संस्कृति संरक्षण समिति नेपालका अध्यक्ष काठमाण्डौ क्षेत्र नं ४ मा स्वतन्त्र उम्मेदवार बनेका छन। मंगसिर ४ गते हुने प्रतिनिधि सभाको निर्वाचनमा काठमाण्डौ क्षेत्र नं ४ बाट समितिका अध्यक्ष थर्क बहादुर बस्नेत स्वतन्त्र उम्मेदवार बनेका हुन्।
लामो समय देखि मस्टो धर्म संस्कृति संरक्षणमा सक्रिय रहदै आएका बस्नेतले राजनीतिक दलको नेतृत्वले गर्दा क्षेत्र नं ४ को विकास र प्रवर्धन हुन् नसकेको भन्दै आफुले स्वतन्त्र उम्मेद्वारी दिएको बताएका छन।
काठमाण्डौ महानगरपालिका वडा नं ८ निवासी बस्नेतलाई मस्टो धर्म संस्कृति संरक्षण समिति सहित विभिन्न सामाजिक तथा धार्मिक संघ संस्थाहरुको समर्थन र सहयोग रहेको छ।
असोज २६ गते निर्वाचन अधिकृतको कार्यालयबाट माछा चुनाव चिन्ह प्राप्त गरेका बस्नेत पूर्वीय दर्शन र अध्यात्मको ज्ञाताका रुपमा परिचित रहेका छन।
