नवौ राष्ट्रिय खेलकुदमा प्याराग्लाईडीङ तर्फ छनौट भएका शंखरापुरका खेलाडीलाइ नगरपालिकाले गर्यो बिदाइ

कपन अनलाइन

काठमाडौँ,असोज २६ । असोज २८गते देखि कार्तिक ३ गतेसम्म गण्डकी प्रदेशमा हुन गईरहेको नवौ राष्ट्रिय खेलकुदका का लागि प्याराग्लाईडीङ तर्फ छनौट भएका शंखरापुर नगरपालिकाका दुइ खेलाडीलाइ बिदाइ गरिएको छ।  नगरपालिकाले एक कार्यक्रमका बीच दुई  खेलाडी बिजय चौलागाई र बिरेन्द्र गुरुङलाइ नगर प्रमुख रमेश नापित र उपप्रमुख  समिता श्रेष्ठ प्रमुख प्रशासकीय अधिकृत बासुदेब खनाल लगायतले  संयुक्त रुपमा जितको शुभकामना सहित  बिदाई गरेका हुन।

शंखरापुर नगरपालिकाका दुई सहित बागमती प्रदेशबाट उक्त खेलमा ११ जनाले प्रतिनिधित्व गर्दैछन् ।लामो समयदेखी शंखरापुर नगरपालिका वडा नं २ को  शंखरापुर प्याराग्लाईडिङ कम्पनिमा पाईलटको रुपमा कार्यरत चौलागाईं र गुरुङ  उक्त प्रतियोगितामा भाग लिन गण्डकी प्रदेशको पोखरा प्रस्थान गरेका हुन।

पछिल्लो समय साहसिक खेलमार्फत पर्यटन प्रबर्द्धन गर्दै आएको प्याराग्लाईडिङ खेल देशका विभिन्न ठाँउमा बिस्तार भैरहेको छ।उक्त प्रतियोगितामा आफुले शंखरापुर नगरपालिकाको प्रतिनिधित्व गर्न पाउँदा खुसी लागेको र प्रतियोगिता जित्नेमा ढुक्क रहेको समेत सो खेलाडीहरुले बताएका छन ।