यज्ञडोल जगडोल युवा क्लब द्वारा आयोजित तेस्रो  चंगा चेट,  फुड फेस्टिवल तथा सांगीतिक कार्यक्रम सम्पन्न

कपन अनलाइन

काठमाडौं असोज १८ ।   बुढानिलकण्ठ नगरपालिका वडा नं ११ जगडोलमा यज्ञडोल जगडोल युवा क्लब द्वारा   आन्तरिक तथा बाह्य पर्यटन प्रबद्र्धनका लागि आयोजित  तेस्रो  चंगा चेट,  फुड फेस्टिवल तथा सांगीतिक  कार्यक्रम सम्पन्न  भएको छ  ।

बिगत दुइ बर्ष कोरोनाको कारण गर्न नसकेको उक्त कार्यक्रम  यस वर्ष निरन्तरता दिदै  पनि बडा दशैको अवसर पारेर असोज १५ गते शनिबार जगडोल झण्डा पार्कमा  चंगा चेट,  फुड फेस्टिवल तथा सांगेतिक कार्यक्रमको साथै शुभकामना आदान प्रदान कार्यक्रम  गरिएको हो  ।

 उक्त कार्यक्रममा कुल ४५ खेलाडीले चंगा उडाएका थिए ।तीन समुहमा बिभाजन गरि सुरुवाती चरण खेलाइएको चंगा चेट प्रतियोगितामा प्रत्येक समूह बाट २ जनालाई फाइनल राउण्डमा लगिएको थियो ।छ जना बिच भएको फाइनल प्रतियोगितामा पियुस श्रेष्ठले सान्त्वना पुरस्कार प्राप्त गरे भने  , सलिन तन्डुकारले तृतीय हुदै कुखुराको भाले पुरस्कार प्राप्त गरे प्रतियोगितामा दितीय हुँदै श्रवन श्रेष्ठले  बोका प्राप्त गरे भने प्रथम  भएका  मिर्मिरे बिहानीले खसी पुरस्कार प्राप्त गरेका  छन ।

यज्ञडोल जगडोल युवा क्लबका अध्यक्ष संजय पौडेलको अध्यक्षता मा भएको उक्त कार्यक्रममा गोकर्णेश्वर नगरपालिका प्रमुख दिपक कुमार रिसाल, गोकर्णेश्वर नगरपालिकाका प्रथम नगर प्रमुख सन्तोष चालिसे, बुढानिलकण्ठ नगरपालिका वडा नं ११का वडा अध्यक्ष राजु अधिकारी, बौद्धनाथ क्षेत्र विकास समितिका अध्यक्ष  राजकुमार लामा, समाजसेवी आत्माराम पौडेल , बागमती प्रदेशका निवर्तमान प्रदेश सभा सदस्य कुसुमकुमार कार्की समाज सेवी दिनेश खनाल ,  लगायतको उपस्थिति रहेको थियो।

 कार्यक्रममा ज्येष्ठ नागरिकहरुलाई सम्मान समेत गरिएको थियो । दोस्रो सत्रमा भएको सांगेतिक कार्यक्रममा चर्चित लोक गायक नवराज घोरासैनी, स्थानीय राजेश श्रेष्ठ र असोक केसी (केरा जोडी) स्वतन्त्र ब्याण्ड लगायत स्थानीय कलाकारले गीत प्रहसन मार्फत मनोरंजन प्रदान गरेका थिए  ।