भगवती युवा क्लब गोकर्णेश्वर ९ द्वारा आयोजित ब्याडमिन्टन प्रतियोगिता सम्पन्न  

कपन अनलाइन

काठमाडौं असोज १८ ।   गोकर्णेश्वर नगरपालिका वडा नं ९  को आर्थिक सहयोगमा भगवती युवा क्लब द्वारा आयोजित ब्याडमिन्टन प्रतियोगिता सम्पन्न   भएको छ ।   भगवती ब्याडमिन्टन कोर्टमाभएको सो प्रतियोगिताको उपाधि अर्जुन गिरि र माइला साउखलले जितेका छन् ।उनीहरुले बाल कृष्ण  श्रेष्ठ र राजेश श्रेष्ठको जोडीलाइ २१-१४ र २१- ११ अंकको सोझो सेटमा पराजित गर्दै उपाधि माथि कब्जा जमाएको हो ।

  त्यसै गरि अर्को फाइनल खेल श्रीकृष्ण कारंजित र पदम बुढाथोकीको जोडीले  जितेका छन श्रीकृष्ण कारंजित र पदम बुढाथोकीको जोडीले उमेश ढुंगाना र निरन्जन लामाको जोडीलाइ २१-१९ -१९-२१ र २४-२२ अंकको तेस्रो सेटमा पराजित गर्दै जित हासिल गरेको हो ।   त्यसै गरि तृतीय स्थानको लागि निरज लामा र बिक्रम श्रेष्ठको जोडी संग कपिल तिमिल्सिना र जयराम आचार्यको जोडी भिडेका थिए ।

  निकै नै प्रतिस्पर्धात्मक बनेको सो खेलमा निरज लामा र बिक्रम श्रेष्ठको जोडीले  कपिल तिमिल्सिना र जयराम आचार्यको जोडी २१- १२, २१-१८ र २१-१३ अंकको तेस्रो सेट मा पराजित गर्दै तृतीय स्थान हासिल गरे । भगवती युवा क्लबकी अध्यक्ष अस्मिता श्रेष्ठको अध्यक्षतामा भएको शुभकामना आदानप्रदान तथा पुरस्कार वितरण कार्यक्रमका प्रमुख अतिथि गोकर्णेश्वर नगरपालिका प्रमुख दिपक कुमार रिसाल, उप प्रमुख सान्नान्नी लामा गोकर्णेश्वर नगरपालिका वडा नं ९ का वडा अध्यक्ष राजिब थापा लगायतले बिजेता उप बिजेता र तृतीय स्थान हासिल गर्ने खेलाडी को साथै उत्कृष्ट  खेलाडीहरुलाई   पुरस्कार वितरण गरेका थिए ।

 कार्यक्रममा गोकर्णेश्वर नगरपालिका युवा तथा खेलकुद विकास समितिका संयोजक संजय लामा, गोकर्णेश्वर नगरपालिका वडा नं ९ का वडा सदस्य लक्ष्मी गुरुङ ,उमेश चालिसे, श्रीकृष्ण कारंजित गमला कुमारी परियार, यज्ञडोल जगडोल सामुदायिक बनका अध्यक्ष सुदर्शन सिग्देल, गोकर्णेश्वर युवा उपकार क्लबका अध्यक्ष कमल परियार   लगायत आयोजक संस्थाका पदाधिकारीसहित खेलप्रेमी दर्शकहरुको उपस्थिति रहेको थियो ।