राष्ट्रिय युवा संघ नेपाल बुढानिलकण्ठको अध्यक्षमा पुरुषोत्तम सापकोटा ,को को बने पदाधिकारी ?

कपन अनलाइन

काठमाडौँ, असोज ४ ।

राष्ट्रिय यूवा संघ नेपाल बुढानिलकण्ठ नगरपालिकाको प्रथम नगर अधिवेशन सम्पन्न भएको  छ।

असोज ३ गते संबिधान दिवसको दिन बूढानिलकण्ठ नगरपालिका वडा नम्बर १० मा रहेको कार्की इभेन्ट्समा  सम्पन्न प्रथम अधिवेशनबाट पुरुषोत्तम सापकोटाको अध्यक्षतामा ६५ सदस्यीय कमिटी गठन गरिएको छ ।

उक्त नगर अधिवेशनबाट उपाध्यक्षमा भोला विक्रम खड्का,सचिवमा हेव्सिवा तामाङ, सह–सचिवमा शिशिर श्रेष्ठ, सोनाम तामाङ र विक्रम श्रेष्ठ चयन भएका छन् ।

नेकपा एमाले स्थायी कमिटी सदस्य तथा विदेश विभाग प्रमुख डा. राजन भट्टराईको प्रमुख आतिथ्यतामा सम्पन्न अधिवेशनमा , यूवा संघ नेपालका केन्द्रिय उपाध्यक्ष सहित बुढानिलकण्ठ नगरपालिकाका प्रमुख मिठाराम अधिकारि ,उपप्रमुख अनिता लामा , पुर्व प्रमुख उद्दव खरेल लगायत नेकपा एमालेको प्रदेश, जिल्ला तथा नगर कमिटिका धेरै जसो पदाधिकारीहरुको उपस्थिति रहेको थियो।