ओखलढुंगाका तिन नेताको एकतामा चुनावी मैदानमा जानुपर्छ : अध्यक्ष शंकर कटवाल

कपन अनलाइन

काठमाण्डौ ,भाद्र २०।

नेकपा एमाले ओखलढुंगाका अध्यक्ष शंकर कटवालले नेकपा एमाले ओखलढुंगाका तिन नेताको एकता र प्रभावकारी भूमिका सहित आसन्न निर्वाचनको मैदानमा जानुपर्ने बताएका छन।

नेकपा एमाले ओखलढुंगा क्षेत्र नं १ कमिटीको बैठकले प्रतिनिधि सभा सदस्यको चर्चामा रहेका ओखलढुंगा जिल्लाका तिन नेता इन्चार्ज तथा केन्द्रीय सदस्य किशोर अधिकारी ,केन्द्रीय सदस्य यज्ञराज सुनुवार र प्रदेस कमिटी सदस्य अम्बिरबाबु गुरुङलाई एकतावद्ध भएर भूमिका सहित निर्वाचनको मैदानमा होमिन आव्हान गरेको बताउदै अध्यक्ष कटवालले भोलि देखि उम्मेदवार सिफारिसका वारेमा छलफल सुरु हुने जानकारी दिएका छन।

एक मात्र प्रतिनिधि सभा क्षेत्र रहेको जिल्लामा जिल्ला कमिटीलले भाद्र २२ गते सम्म उम्मेदवार सिफारिस गर्न दिएको निर्देशन अनुसार भोलि दिनभर निरन्तर छलफल गर्ने योजना रहेको जानकारी दिदै अध्यक्ष कटवालले नेकपा एमाले ओखलढुंगा सर्वसम्मत उम्मेदवार प्रस्ताव गर्ने दृढ अडानमा रहेको बताएका छन।

ओखलढुंगा जिल्लाका दुई प्रदेस निर्वाचन क्षेत्रमा आज प्रदेस सभा सदस्यका उम्मेदवार सिफारिसका लागि छलफल भए पनि ठोस निर्णय भने भएको छैन।