दोश्रो प्याव्सन महानगर कप फुट्सल सुरु
कपन अनलाइन
काठमाण्डौ ,साउन १५ ।
प्राइभेट एण्ड बोर्डिङ्ग स्कुल अर्गनाइजेसन नेपाल ( PABSAON ) काठमाण्डौ महानगरपालिका समितिको आयोजनामा दोश्रो प्याव्सन महानगर कप फुट्सल सुरु भएको छ।
काठमाण्डौ महानगरपालिका वडा नं ५ मा रहेको धन्वन्तरी फुटसलमा साउन १५ ,१६ र १७ गते सम्म चल्ने सो प्रतियोगितामा ४१ टिम सहभागी रहेका छन।
विभिन्न विद्यालयहरुको सहाभागिता रहेको सो प्रतियोगिताको उद्घाटन काठमाण्डौ क्षेत्र नं ३ का प्रतिनिधि सभा सदस्य कृष्ण राईले गरेका थिए भने सो अवसरमा काठमाण्डौ क्षेत्र नं ५ (२) का प्रदेस सभा सदस्य नारायण सिलवाल सहित विभिन्न संघ संगठनका प्रतिनिधिहरुको उपस्थिति रहेको थियो।
प्राइभेट एण्ड बोर्डिङ्ग स्कुल अर्गनाइजेसन नेपाल ( PABSAON ) काठमाण्डौ महानगरपालिका समितिका अध्यक्ष ज्ञान बहादुर श्रेष्ठको अध्यक्षतामा भएको उद्घाटन सत्रमा विभिन्न सांगीतिक प्रस्तुति समेत दिइएको थियो।
